Convocatoria de Axudas de Investigación 2016-2017

Comenza o prazo de envío de solicitudes para optar ao Programa de Axudas á Investigación en Fisioterapia que CoFiGa convoca para o exercicio 2016/2017

02 Dic 2016 / Sede COFIGA
 
Comenza hoxe, 2 de decembro/2016, o prazo de envío de solicitudes para optar ao Programa de Axudas á Investigación que o Colexio Oficial de Fisioterapeutas de Galicia (CoFiGa) convoca para o exercicio 2016-2017.

O Programa de Axudas á Investigación convocado por CoFiGa ten por obxectivo colaborar economicamente desde a institución colexial no financiamento de proxectos de investigación científica ou tecnolóxica, individual ou colectiva, con especial atención a investigadores emerxentes ou noveis, que contribúan a desenvolvemento da investigación en Fisioterapia en Galicia.

Dotación económica e requisitos

Para o exercicio 2016-2017, conta cunha dotación económica total de 5.000 euros, que se repartirán nun máximo de 5 axudas dunha contía máxima de 1.000 euros para cada aspirante elixido.

Para optar á obtención destas axudas á investigación do CoFiGa, serán requisitos indispensables: que o investigador principal do proxecto estea en posesión da titulación universitaria en Fisioterapia, que o investigador principal do proxecto sexa colexiado vixente no CoFiGa e non estar a recibir ningunha axuda para o mesmo fin por calquera outro organismo público ou privado.

Unha Comisión Evaluadora designada para o efecto será a encargada de valorar o contido científico e a viabilidade dos proxectos das solicitudes presentadas e de trasladar os devanditos datos á Xunta de Goberno do CoFiGa, que será a encargada da resolución definitiva da concesión das axudas.

Envío de solicitudes

O período de presentación de solicitudes será de 20 días naturais a partir de hoxe, 2 de decembro/2016 e deberán enviarse ao correo electrónico info@cofiga.org.

As bases da convocatoria, así como os formularios necesarios para a solicitude das axudas, poden descargarse en arquivos adxuntos.

Con esta iniciativa, a Xunta de Goberno do CoFiGa cumprimenta unha das liñas programáticas expostas na súa toma de posesión, respondendo desta maneir a unha das inquietudes e demandas postas de manifesto polo colectivo dos fisioterapeutas galegos.
Eventos
Participamos en diversos eventos por toda Galicia.
Formación
¡Accede a los cursos anunciados en la web de manera rápida y sencilla!
Fisioterapia laboral
Es imprescindible estar al tanto de todos los aspectos relacionados con la Fisioterapia en el ámbito laboral.
lock Transparencia
Siempre comprometidos con las prácticas del buen gobierno corporativo.
La Fisioterapia te da el aire que necesitas